Նոյեմբերի 2-ին ԼՂՀ պաշտպանության նախարար, ՊԲ հրամանատար, գեներալ-լեյտենանտ Մովսես Հակոբյանն ընդունեց Կարմիր Խաչի միջազգային կազմակերպության Արցախի ներկայացուցչության տնօրեն Սոֆի Պագսլիին: Հանդիպման ընթացքում քննարկվեցին ռազմագերիների, պատանդների, ինչպես նաև շփման գծում հակառակորդի կողմից սանձազերծված դիվերսիոն գործողության արդյունքում սպանված ադրբեջանական երկու ասկյարների դիակների վերադարձման հետ կապված հարցեր:

Կողմերը միաժամանակ շոշափեցին երկուստեք հետաքրքրություն ներկայացնող հարցերի այլ շրջանակ, ինչպես նաև կարևորեցին հետագա փոխհամագործակցության խորացման անհրաժեշտությունը, հաղորդում է ԼՂՀ ՊԲ մամլո ծառայությունը: