Իշխանություններին ձեռնատու չէ նման թույլ ընդդիմություն ունենալ, քանի որ դա անդրադառնում է կոալիցիայի վրա, գտնում է Լեռնիկ Ալեքսանյանը
Իշխող Հայաստանի հանրապետական կուսակցությունը բոլոր հիմքերն ունի ՀՀ նոր խորհրդարանում մեծամասնություն կազմելու համար: Այդ մասին Երևանում կայացած մամլո ասուլիսում հայտարարել է ՀՀԿ խորհրդարանական խմբակցության պատգամավոր Լեռնիկ Ալեքսանյանը՝ մեկնաբանելով 2012թ. կայանալիք խորհրդարանական ընտրությունները: Ըստ նրա, «երեք կոալիցիոն կուսակցությունները՝ ՀՀԿ-ն, «Բարգավաճ Հայաստանն» ու «Օրինաց երկիրը» ներկայացված կլինեն նոր խորհրդարանում:
Անդրադառնալով ընդդիմությանը՝ Ալեքսանյանն ասել է, որ, հավանաբար, մինչ խորհրդարանական ընտրությունները տեղի կունենան վերադասավորումներ, քանի որ ներկա վիճակով այն բավականին թույլ է: Այդ համատեքստում նա նշել է, որ իշխանություններին ձեռնատու չէ նման թույլ ընդդիմություն ունենալ, քանի որ դա անդրադառնում է կոալիցիայի վրա:
