2010թ. նոյեմբերի 22-ին կկայանա «Աշխարհն առանց արգելքների» կազմակերպության գրասենյակի բացումը: Գրասենյակի վերանորոգումը և կահավորումը ֆինանսավորվել է «Առաքելություն Արևելք» կազմակերպության կողմից «Հույսի կամուրջ» հասարակական կազմակերպության աջակցությամբ:

«Աշխարհն առանց արգելքների» ՀԿ հիմնադրվել է 2008 թ. մայիսին տարբեր կարգի հաշմանդամություն ունեցող մարդկանց կողմից, ովքեր չնայած իրենց ֆիզիկական սահմանափակ կարողություններին, շատ ակտիվ մասնակցություն ունեն կյանքի տարբեր բնագավառներում: Կազմակերպության նպատակն է սատարել, պաշտպանել և ապահովել հաշմանդամություն ունեցող բոլոր անձանց մարդկային իրավունքների և հիմնարար ազատությունների լիակատար ու հավասար իրացումը, ինչպես նաև հարգալից վերաբերմունքը նրանց արժանապատվության նկատմամբ: