Լիմասոլում ավարտվել է մինչև 23 տարեկանների ծանրամարտի Եվրոպայի առաջնությունը, և մրցաշարային վերջին օրը Հայաստանի հավաքականի համար 4-րդ ոսկե մեդալն է նվաճել Հայկ Հակոբյանը +105 քաշային կարգում:

Հակոբյանը «պոկում» վարժությունում բարձրացրել է 180 կգ, «հրում» վարժությունում` 210 կգ և «երկամարտի» արդյունքում 390 կգ-ով զբաղեցրել առաջին տեղը: Արծաթե մեդալ նվաճել է Քրիստոֆ Կլիչկին (Լեհաստան) 366 կգ արդյունքում:

Եվրոպայի առաջնությունում Արայիկ Միրզոյանը (77 ք/կ), Ռուբիկ Մամոյանը (62 ք/կ), Հռիփսիմե Խուրշուդյանը (+75 ք/կ) և Հայկ Հակոբյանը նվաճել են ոսկե մեդալներ, Էլեն Գրիգորյանը (53 ք/կ), Աղասի Աղասյանը (77 ք/կ)` արծաթե, իսկ Աղվան Մելիքյանը (85 ք/կ) և Վանիկ Ավետիսյանը (69 ք/կ)` բրոնզե մեդալներ: