Երևան-Մոսկվա ավիաչվերթի ուղևորը շահել է Shevrolet Epica մակնիշի ավտոմեքենա
«Զվարթնոց» միջազգային օդանավակայանում գրանցվեց հերթական խոշոր շահումը: Մոսկվայից Երևան վերադառնալիս 509 չվերթի ուղևոր Կարեն Մակիչյանը շահեց առևտրի մաքսազերծ խանութում անցկացվող գովազդային վիճակախաղի գլխավոր մրցանակը` Շևրոլե Էպիկա (Shevrolet Epica) մակնիշի մեքենան: Կարեն Մակիչյանը Երևանի բնակիչ է, աշխատում է «Ապագա սերունդ» ՀԿ-ում որպես վարորդ:
Սա «Զվարթնոց» միջազգային օդանավակայանի առևտրի մաքսազերծ խանութում շահած արդեն չորրորդ մեքենան է, հաղորդում է «Զվարթնոց» օդանավակայանի մամլո ծառայությունը:
