Բասկետբոլի աստղ, Los-Angeles Lakers-ի պաշտպան Կոբի Բրայանթի գովազդային արշավը Turkish Airlines-ի աջակցությամբ առաջացրել է ԱՄՆ հայ համայնքի բողոքը, մասնավորապես Հարավային Կալիֆորնիայի, որտեղ բնակվում է շուրջ 700 հազար հայ:
Բասկետբոլիստը 2 տարվա պայմանագիր է կնքել թուրքական ավիաընկերության հետ: Բրայանթի մասնակցությամն գովազդային հոլովակները կհեռարձակվեն շուրջ 80 երկրներում:
Հայկական երիտասարդական դաշինքը (AYF) ակցիա է սկսել այդ գովազդային արշավի դեմ՝ կոչ անելով Բրայանթին խղել պայմանագիրը Turkish Airlines-ի հետ: «Մենք խնդրում ենք հայ համայնքի ներկայացուցիչներին կապվել Բրայանթի հետ և կոչ անել նրան ճանաչել Հայոց ցեղասպանությունը: Նա պետք է իր երկրպագուներից իմանա, որ անհեռատես քայլի է դիմել՝ պայմանագիր կնքելով թուրքական ավիաընկերության հետ»,-ասել է AYF ներկայացուցիչ Գասպար Ջիվալգյանը:
