Հայաստանի առևտրային բանկերի համախառն ակտիվները շարունակում են կրճատվել, վարկերի պահանջարկն օրեցօր աճում է, և բոլոր բանկերը վճարունակ հաճախորդներ են որոնում: Այդ մասին հունվարի 14-ին մամլո ասուլիսում ասել է Հայաստանի նախկին վարչապետ Հրանտ Բագրատյանը` պատասխանելով PanARMENIAN.Net-ի թղթակցի հարցին: «Երկրի Կենտրոնական բանկի վերաֆինանսավորման տոկոսադրույքը չափազանց բարձր է, որպեսզի առևտրային բանկերը կարողանան նվազեցնել վարկերի տոկոսադրույքները: Իսկ եթե ԿԲ-ն նվազեցնի վերաֆինանսավորման տոկոսադրույքը, ապա 9.4 տոկոսանոց կվերածվի 20 տոկոսանոցի»,- ասել է նա:
Միաժամանակ, Բագրատյանը կարծում է, որ նման իրավիճակից դուրս գալու ելք կարող է դառնալ պայքարը մենաշնորհատերերի դեմ: «Հայաստանի կառավարությունը չի գնա նման քայլի, և, հետևաբար, երկրում անհնար է նվազեցնել վարկերի տոկոսադրույքները: Առավելագույնը նրանք կարող են նվազեցվել 0.5 տոկոսով, ինչն էականորեն ոչ մի բանի վրա չի ազդի»,- հավելել է նախկին վարչապետը:
