Կառավարությունը փորձադաշտ չէ, այնտեղ պետք է պրոֆեսիոնալներ աշխատեն, որպեսզի կադրային փոփոխություններն այդքան հաճախակի չլինեն, ասել է Հանրային խորհրդի ֆինանսատնտեսական ու բյուջետային հարցերի հանձնաժողովի ղեկավար Վազգեն Սաֆարյանը` մեկնաբանելով վերջին կադրային փոփոխությունները կառավարությունում:
«Կոալիցիոն կառավարության գաղափարախոսությունը այնքան էլ լավ չի դրսևորում իրեն: Ես սխալ եմ համարում կառավարության քաղաքականուցումը, քանի որ նախարարները պետք է նշանակվեն ըստ իրենց մասնագիտական հատկությունների, ոչ թե կուսակցական պատկանելության»,-գտնում է նա:
Ինչ վերաբերում է գյուղատնտեսության ոլորտի զարգացմանը, որտեղ նորանշանակ նախարար ունենք, ապա, ըստ փորձագետի, նա պետական աջակցության կարիք ունի: «Ցանկացած երկիր, հատկապես Եվրամիության երկրները, հսկայական գումարներ են հատկացնում գյուղատնտեսաության ոլորտին: Այն դեպքում, երբ Հայաստանի ֆերմերները վճարում են նույնիսկ ոռոգման ջրի համար»,-ասել է նա:
Վազգեն Սաֆարյանը հայտնել է, որ 170 հազար հա հողից Հայաստանում 70 հազար հեկտարը չի մշակվել ոռոգման ջրի համար վարձավճարների պատճառով:
