ՀՀ ֆինանսների նախարարությունը 2011թ. կշարունակի պետական ծախսերի կառավարման արդյունավետության բարձրացման նպատակով ծրագրային բյուջետավորման ներդրման ուղղությամբ իրականացվող բարեփոխումները, Երևանում կայացած մամլո ասուլիսում հայտարարել է ՀՀ ֆինանսների նախարար Վաչե Գաբրիելյանը՝ ներկայացնելով նախարարության 2011թ. գործունեության ուղղությունները:
Մասնավորապես, ըստ նրա, բոլոր պետգերատեսչությունները պարտավոր են հայտեր ներկայացնել ֆինանսավորման համար: Բացի այդ, ընթացիկ տարում 3 գերատեսչություններ ՀՀ 2012-2014թթ. միջնաժամկետ ծախսային ծրագրի հայտի հետ մեկտեղ պետք է փորձնական ներկայացնեն նաև 1-ական ծրագիր նկարագիր (անձնագիր):
Անդրադառնալով գերակա խնդիրներին՝ Վաչե Գաբրիելյանը հայտնել է, որ կներդրվի պետպարտքի գրանցման ու հաշվառման միասնական էլեկտրոնային համակարգ:
