2010թ. ավարտին ձևավորված ՀԱՊԿ Արագ արձագանքման խաղաղապահ ուժերի զորավարժություններն այս տարի հավանաբար տեղի կունենա Կենտրոնական Ասիայի տարածաշրջանում: Այդ մասին հաղորդել է կազմակերպության գլխավոր քարտուղար Նիկոլայ Բորդյուժան՝ ամփոփելով ՀԱՊԿ անդասմ պետությունների շահագրգիռ նախարարությունների ու գերատեսչությունների կառուցվածքային ստորաբաժանումների ղեկավարների խորհրդակցությունները:
Հավաքական խաղաղապահ ուժերը նախատեսված են հակամարտող ուժերի տարանջատման գործողությունների անցկացման համար և պետք է գործեն համատեղ, ընդգծել է նա: «Խաղաղապահները պետք է ճիշտ կատարեն բոլոր անհրաժեշտ գործողությունները պատասխանատվության գոտում»,-ասել է Բորդյուժան:
Խորհրդակցությունների արդյունքում ստորագրվեց արձանագրություն, որտեղ նախանշված են ՀԱՊԿ խաղաղապահ գործունեության կատարելագործման ուղիները, հաղորդում է «ՌԻԱ Նովոստի» գործակալությունը:
ԱԱՈւ կազմում կընդգրկվեն 3,5 հազար զինծառայողներ և կազմակերպության իրավապահ մարմինների շուրջ 500 ներկայացուցիչներ:
