Փետրվարի 20-ին Ադրբեջանի զորամասերից մեկում յոթ զինծառայող է սպանվել: Կատարվածի մանրամասներն առայժմ հայտնի չեն: Ադրբեջանի պաշտպանության նախարարությունն ու ռազմական դատախազությունը հանդես են եկել համատեղ հայտարարությամբ, սակայն չեն հաղորդել այն մասին, թե ով և ինչու է զանգվածային սպանություն իրագործել: Ինչպես հաղորդում է ԱՊԱ-ն, հայտարարության մեջ նշվում է միայն, որ զորամասում «քրեական պատահար» է տեղի ունեցել: Հրապարակվել են նաև զոհվածների մասին տեղեկությունները: Զոհվել են 1991 և 1992 թվականներին ծնված երիտասարդներ, որոնք բանակ էին զորակոչվել 2010 թվականին:

Այդ միջոցին Agence France-Presse-ը հաղորդում է, որ յոթ զինծառայողներին մեկ զինակից է գնդակահարել:

Քրեական գործ է հարուցվել «Երկու և ավելի անձանց կանխամտածված սպանություն» հոդվածով: