Թուրքիան փորձում է ճնշում գործադրել Հայաստանի վրա, որպեսզի պաշտոնական Երևանը ետ չվերցնի իր ստորագրությունը Հայ-թուրքական արձանագրություններից: Այդ մասին Երևանում մամլո ասուլիսում հայտարարել է ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը: «Ինձ թվում է, որ Հայաստանը պետք է չհապաղի և ետ վերցնի ստորագրություններն Արձանագրություններից, քանի որ դրա համար արդեն կան բոլոր նախադրյալները»,- ասել է Մանոյանը: Մեկնաբանելով թուրքական ԶԼՄ-ների հաղորդագրություններն այն մասին, որ Թուրքիայի ԱԳՆ-ն պատրաստել է զեկույց « 1915-ի դեպքերը» անվանումով, Կիրո Մանոյանը հայտարարել է, որ այդ նախաձեռնությունը նպատակ ունի ցույց տալ աշխարհին, որ Անկարան շարունակում է Երևանի հետ երկխոսությունը: «Այդ զեկույցով թուրքական կողմը փորձում է շփոթեցնել աշխարհին Հայոց ցեղասպանության հարցում»,- ասել է Մանոյանը:
