«Ես գտնում եմ, որ ղարաբաղյան կարգավորման շուրջ բանակցությունների իրական ձևաչափի վերականգնման ուղղությամբ Հայաստանի ջանքերը արդյունք կտան, և Արցախը կմասնակցի բանակցություններին»,- Երևանում կայացած մամլո ասուլիսում հայտնել է ԼՂՀ նախագահ Բակո Սահակյանը: ԼՂՀ նախագահը չի բացառել, որ եթե Ադրբեջանը շարունակի ընդգծված լկտիությունները զորքերի շփման գծում, ապա չի բացառվում, որ Հայաստանը կդադարեցնի բանակցությունները: «Առանց բանակցություններին Ղարաբաղի մասնակցության անհնար է հասնել հակամարտության կարգավորմանը»,- ասել է Սահակյանը: