ԸՕ-ում կոալիցիայի առաջարկած շտկումների ընդունումը Վահան Հովհաննիսյանն անվանել է «բիոմասսայի հաղթանակ»
ՀՅԴ խորհրդարանական խմբակցության ղեկավար Վահան Հովհաննիսյանը Հայաստանի Ընտրական օրենսգրքում կոալիցիայի կողմից առաջարկված շտկումներն անվանել է «բիոմասսայի հաղթանակ»: Նախօրեին Հայաստանի խորհրդարանն ընդունել է կոալիցիոն խմբակցությունների կողմից առաջարկված շտկումների փաթեթը և մերժել ՀՅԴ առաջարկած փոփոխությունների նախագիծը:
«Դա բիոմասսայի հաղթանակն էր: Հայաստանի ԸՕ-ում շտկումների շուրջ ծավալված բանավեճի ընթացքում հաղթանակ է տարել Դաշնակցությունը, քանի որ մեր բոլոր փաստարկները հակափաստարկներ չեն ստացել կոալիցիոն խմբակցությունների կողմից: Ով ավելի շատ ձեռքեր ուներ, նա էլ սեղմում էր կոճակները: Բոլորը հասկանում էին, որ մենք ճիշտ ենք, նույնիսկ ընդդիմադիրները, բայց հաղթեց ձեռքերի քանակությունը»,- ասել է ՀՅԴ խմբակցությունը:
