Ադրբեջանը լրջորեն նախապատրաստվում է ռազմական գործողությունների հնարավոր վերսկսմանը Ղարաբաղում, գտնում է «Դոկտրինա» ռազմական լրագրողական հետազոտությունների կենտրոնի ղեկավար Ջասուր Սումերենլին: Ըստ նրա, դա հաստատում է այն, որ երկրի ռազմական բյուջեն հասել է 3,2 մլրդ մանաթի, այդ գումարի 1/3-ը ծախսվում է ռազմա-արդյունաբերական համալիրի զարգացման և հարձակողական նորագույն զենքի ձեռք բերման համար:

«Չեմ կարծում, որ այն կսկսվի առաջիկայում, քանի որ այժմ նախապատրաստություն է գնում, ամրացվում է բանակի նյութատեխնիկական բազան: Սակայն, այս տարի լարվածությունը կպահպանվի, հնարավոր են սադրանքներ ու բախումներ»,-ասել է Սումերենլին: