Ադրբեջանը կմասնակցի մայիսի 10-ից 13-ը Ստամբուլում կայանալիք IDEF-2011 միջազգային պաշտպանական ցուցահանդեսին: Ցուցահանդեսում կներկայացվի պաշտպանական նշանակության ապրանք և զինամթերք, որն արտադրվել է Ադրբեջանի Պաշտպանական արդյունաբերության նախարարության ձեռնարկություններում: Բացի դրանից, ցուցահանդեսին մասնակցելու համար հրավերներ են ուղարկվել Ադրբեջանի պաշտպանության նախարարությանը, պետական սահմանամերձ ծառայությանը և այլ ռազմական կառույցներին:

Այսօրվա դրությամբ 438 ընկերություններ տարբեր երկրներից հաստատել են իրենց մասնակցությունը ցուցահանդեսին: Դրանք մեծ մասամբ թուրքական ընկերություններ են:

Ինչպես ԱՊԱ-ին հաղորդեցին Ադրբեջանի Պաշտպանական արդյունաբերության նախարարությունից, Ադրբեջանը մտադիր է IDEF-2011 միջազգային պաշտպանական ցուցահանդեսում 75 անուն պաշտպանական նշանակության արտադրանք ներկայացնել: