Թուրքական և պաղեստինյան ԶԼՄ-ների հաղորդագրությունների համաձայն, Թուրքիան գաղտնի կերպով միջնորդում է Իսրայելի և պաղեստինյան խմբակցությունների միջև զինադադարի մասին բանակցություններում:

Միջնորդական ջանքերը, իբր, գլխավորում է անձամբ վարչապետ Ռեջեփ Թայիփ Էրդողանը: Վերջինս, ասեկոսեների համաձայն, մասնակցել է իսրայելյան և պաղեստինյան ներկայացուցիչների հետ մի քանի հանդիպումների:

Անկարայում պաշտոնական դիվանագիտական աղբյուրները, սակայն, հերքում են ինքնին հանդիպումների հնարավորությունը, համենայնդեպս, իսրայելյան կողմի հետ: Թուրքական ԱԳՆ անանուն ներկայացուցիչը հայտնել է. «Դա անբնական կլիներ` ելնելով թուրք-իսրայելյան հարաբերությունների ներկայիս վիճակից», հաղորդում է MIGnews.com-ը: