«Չեմ կարծում, որ Ադրբեջանը կսկսի ոչնչացնել Ղարաբաղ թռչող ինքնաթիռները: Նման գործողությունն իսկույն Բաքվի ռեժիմը դուրս կմղի քաղաքակիրթ հանրությունից, նրան կդարձնի վտարանդի երկիր»,- PanARMENIAN.Net-ի թղթակցի հետ զրույցում ասել է ԱՊՀ երկրների ինստիտուտի ամբիոնի վարիչ, քաղաքական գիտությունների դոկտոր Միխայիլ Ալեքսանդրովը: Նա չի բացառում, որ այդ դեպքում միջազգային հանրությունը կվերանայի իր վերաբերմունքը ղարաբաղյան հակամարտության նկատմամբ և կարող է գնալ ԼՂՀ ճանաչման:
«Դրա հետ կապված բնութագրական է Ադրբեջանում ԱՄՆ դեսպան Մեթյու Բրայզայի հայտարարությունը, որն անթույլատրելի է համարել Ադրբեջանի դիրքորոշումը քաղաքացիական ինքնաթիռները կործանելու պատրաստակամության մասին: Պատահական չէ, որ Ադրբեջանի ԱԳ նախարարը հերքել է ադրբեջանցի պաշտոնյաների հայտարարություններն ինքնաթիռները ոչնչացնելու մասին»,- ասել է Ալեքսանդրովը:
