Վրաստանը հանդես է գալիս հակամարտությունների խաղաղ կարգավորման օգտին: Այդ մասին Երևանում հայտարարել է Վրաստանի պաշտպանության նախարար Բաչո Ախալայան` հայ լրագրողների խնդրանքով մեկնաբանելով Ադրբեջանի սպառնալիքները խնդիրը ռազմական ճանապարհով լուծելու մասին: Նրա խոսքերով, Վրաստանի համար կարևոր է տարածաշրջանում կայունության և խաղաղության հաստատումը:
«Մենք ցանկանում ենք, որպեսզի բոլոր հակամարտությունները կարգավորվեն բացառապես խաղաղ ճանապարհով և հուսով ենք, որ ղարաբաղյան հակամարտությունը լուծվելու է հենց այդ եղանակով»,- ասել է Վրաստանի պաշտպանության նախարարը: