Օպերատիվ վիճակագրական տվյալների համաձայն 2011-ի մարտին Հայաստանի արտաքին ապրանքաշրջանառությունը կազմել է 430.3 մլն դոլար` 2010-ի նույն շրջանի համեմատ ավելանալով 14.1 տոկոսով: Միաժամանակ մարտին փետրվարի համեմատ այդ ցուցանիշի աճը կազմել է 18.1 տոկոս:

Ինչպես հաղորդում է Հայաստանի ազգային վիճակագրական ծառայությունը, հաշվետու շրջանում արտահանումը կազմել է 92.2 մլն դոլար` 2010-ի նույն շրջանի համեմատ ավելանալով 21.8 տոկոսով, իսկ ներկրումը` 338.1 մլն դոլար` ավելանալով 12.2 տոկոսով: