Եվրոպայում ու Եվրասիայում ԱՄՆ պետքարտուղարի օգնական Ֆիլիպ Գորդոնը Վաշինգտոնում կայացած ճեպազրույցում մեկնաբանել է Ղարաբաղ շարժվող քաղաքացիական ինքնաթիռները ոչնչացնելու մասին Բաքվի սպառնալիքները: Գորդոնի խոսքով, ԱՄՆ-ն արդեն հստակ արձագանքել է այդ հայտարարություններին` ավելի վաղ ընդգծելով, որ «քաղաքացիական ինքնաթիռների վերաբերյալ սպանալիքներն անընդունելի են և չպետք է լինեն»:

«Դրանից հետո մենք, ինչպես նաև ԵԱՀԿ Մինսկի խմբի համանախագահները նշել ենք, որ Ադրբեջանը հստակ հայտարարել է, որ չի պատրաստվում գնալ այդ քայլին: Մենք գտնում ենք, որ դա միակ կառուցողական մոտեցումն է այդ հարցին»,- հայտնել է Գորդոնը` պատասխանելով Հայաստանի Հանրային հեռուստատեսության հարցին: