Վրացի, հայ եւ ադրբեջանցի խորհրդարանականները երեկ Թբիլիսիում հուշագիր են ստորագրել փոխըմբռնման մասին, որը կնպաստի Հարավային Կովկասի երկրների խորհրդարանների նախաձեռնությունների զարգացմանը: Ինչպես հաղորդում է ՐԻԱ «Օրենադա»-ն տվյալ հուշագիրը եւ նրա 2 լրացումները կապահովեն միջխորհրդարանական երկխոսության անհրաժեշտ շրջանակները եւ կորոշեն աշխատանքային ծրագրերը առաջիկա 2,5 տարվա համար: Փաստաթուղթը ստորագրել են Վրաստանի փոխխոսնակ Վախթանգ Կոլբայան, Հայաստանի Ազգային ժողովի փոխխոսնակ Տիգրան Թորոսյանը եւ Ադրբեջանի Միլի-մեջլիսի ներկայացուցիչ Սիյավուշ Նովրուզովը: Վրացական խորհրդարանի մամլո ծառայության տեղեկատվության համաձայն, չնայած փետրվարին կայացած նախորդ թբիլիսյան հանդիպման ժամանակ ադրբեջանցի եւ հայ խորհրդարանականների միջեւ առաջացած վեճը, երեք երկրների պատվիրակությունները կարողացան հաջողությամբ ավարտել հուշագրի նախագծի քննարկումը: Նշենք, որ երկխոսության գործընթացը Հարավային Կովկասի երեք երկրների խորհրդարանների միջեւ վերջին երկու տարիներին ընթանում է «Linx» բրիտանական ոչ կառավարական կազմակերպության աջակցությամբ: