«Հրապարակ». Սասուն Միքայելյանն և Նիկոլ Փաշինյանը ազատ կարձակվեն մայիսի 28-ին
Հաղթանակի տոնի առիթով լուր էր տարածվել, թե Սասուն Միքայելյանին բաց են թողնելու: Օգտվելով Հովիկ Աբրահամյանի խնդրանքից՝ Սերժ Սարգսյանը ներում է շնորհելու նրան, գրում է «Հրապարակ» օրաթերթը: Սակայն լուրերն իրականություն չդարձան: «Երեկ մենք հավաստի աղբյուրից տեղեկացանք, որ Սասուն Միքայելյանին և Նիկոլ Փաշինյանին ազատ են արձակելու մայիսի 28-ին` Հանրապետության տոնին: Ընդ որում, դրա նախօրեին կլինի կաթողիկոսի դիմում-խնդրանքը, որին ընդառաջելով էլ Սերժ Սարգսյանը կարձակի ներման հրամանգիրը: Այնպես որ, մայիսի 31-ի հանրահավաքում, իրոք, Նիկոլն ու Սասունը ելույթ կունենան և իրենց ներկայությամբ անասելի ուրախություն կպատճառեն հանրահավաքի մասնակիցներին», - գրում է թերթը:
