Ամերիկայի Հայ Դատի հանձնախմբի (ANCA) Հայկական հարցին նվիրված խորհրդաժողովում հանդես կգա Հայաստանում ԱՄՆ նախկին դեսպան Ջոն Մարշալ Էվանսը: «Մենք ցանկանում ենք երախտագիտություն հայտնել սկզբունքային դիվանագետ Էվանսին՝ ԱՄՆ-ին իր անբասիր ծառայության և հայ-ամերիկյան հարաբերությունների զարգացման գործում ունեցած հսկայական ավանդի համար, ինչպես նաև ամերիկահայ համայնքի հետ կարևոր հարաբերությունների համար՝ Հայաստանում և տարածաշրջանում ԱՄՆ արատքին քաղաքականության գերակայությունների ողջ սպկետրով»,-ասել է ANCA-ի գործադիր տնօրեն Արամ Համբարյանը:
Խորհրդաժողովը տեղի կունենա հունիսի 24-27-ը Վաշինգտոնում:
Հայաստանում ԱՄՆ նախկին դեսպան Ջոն Էվանսը պաշտոնանկ արվեց Պետդեպարտամենտում իր պաշտոնից այն բանի համար, որ 2005թ. փետրվարին Կալիֆորնիայի Բերքլիի համալսարանում հայտարարեց, որ «հայերի զանգվածային սպանությունները 1915թ. ցեղասպանություն են եղել»: Նրա հայտարարությունը հակասում էր Վաշինգտոնի Հայոց ցեղասպանության մասին պաշտոնական դիրքորոշմանը, ուստի նա ետ կանչվեց դիվանագիտական ծառայությունից:
