Մեծ Բրիտանիայի օլիմպիական կոմիտեն որոշել է անվճար տոմսեր հատկացնել 1948-ի օլիմպիադայի մասնակիցներին: Միաժամանակ սպորտի վետերանները հնարավորություն կունենան հետևել մրցումներին այն մարզաձևերում, որոնցում 64 տարի առաջ հանդես են եկել:

Յուրաքանչյուրին հատկացվելու է երկու տոմս կոնկրետ իրադարձության համար, հաղորդում է express.ru-ն: Սպասվում է, որ դրանից կարող են օգտվել 125 հոգի, որոնք հանդես են եկել առաջին հետպատերազմյան օլիմպիադայում: Մեծ Բրիտանիայի ԱՕԿ-ը մտադիր է վետերաններին ներգրավել օլիմպիական կրակի էստաֆետի մեջ, որը մեկնարկում է 2012-ի մարտին: