ՌԴ ԱԳ նախարար Սերգեյ Լավրովը Մոսկվայում կբանակցի իր ադրբեջանցի գործընկեր Էլմար Մամեդյարովի հետ, նախարարները կքննարկեն ղարաբաղյան հակամարտությունը և կփոխանակեն Պետական սահմանի մասին պայմանագրի վավերագրերը, հայտնում է ՌԻԱ Նովոստին:
Նախատեսվում է, որ առաջիկա բանակցություններին կշարունակվեն ղարաբաղյան կարգավորման բանակցային գործընթացի քննարկումները, կքննարկվեն նաև երկու երկրների համագործակցության զարգացմանն առնչվող հարցեր:
Հուլիսի 8-ին Սերգեյ Լավրովը Երևանում Հայաստանի ղեկավարությանը փոխանցեց Մոսկվայի առաջարկությունները ղարաբաղյան կարգավորման վերաբերյալ: Առաջարկությունները փոխանցվել են նաև Ադրբեջանի ղեկավարությանը: