Ռուսաստանի առաջնության 19-րդ տուրում «Կրասնոդարը», որի գույներն է պաշտպանում Հայաստանի հավաքականի հարձակվող Յուրա Մովսիսյանը, հաղթել է «Ամկարին»՝ երկու անպատասխան գնդակ ուղարկելով մրցակցի դարպասը:
Խաղից հետո «Կրասնոդարի» գլխավոր մարզիչ Սլավոլյուբ Մուսլինն ասել է, որ այդ խաղը հաստատում է իր թիմի լավ մարզավիճակը: «Մենք վերահսկում էինք խաղը՝ պահում էինք գնդակը, լավ պահեր ունեցանք, «Ամկարի» մասին դա չես ասի: Կարծում եմ, որ մեր հաղթանակը տրամաբանական էր»,-Մուսինի խոսքերն է մեջբերում ակումբի պաշտոնական կայքը:
Հաղթանակից հետո «Կրասնոդարը» վաստակել է 26 միավոր և Ռուսաստանի առաջնության 9-րդ հորիզոնականում է: «Կրասնոդարի» հաջորդ խաղը տեղի կունենա օգոստոսի 14-ին, մրցակիցը կլինի «Կռիլյա Սովետով» ակումբը: