Օգոստոսի 22-ից 23-ը Երևանում կայացավ հայ-իսրայելյան քաղաքական խորհրդակցությունների հերթական փուլը, որը վարեցին ՀՀ ԱԳ նախարարի տեղակալ Արման Կիրակոսյանը և Իսրայելի ԱԳՆ քաղաքական տնօրեն Փինխաս Ավիվին։ Խորհրդակցությունների ընթացքում քննարկվեցին Հայաստան-Իսրայել համագործակցությանը վերաբերող խնդիրներ, մերձավորարևելյան ու հարավկովկասյան տարածաշրջաններում տեղի ունեցող զարգացումները, ինչպես նաև երկկողմ հետաքրքրություն ներկայացնող այլ հարցեր, հաղորդում է Հայաստանի արտաքին քաղաքական գերատեսչության մամուլի, տեղեկատվության և հասարակայնության հետ կապի ծառայությունը:

Օգոստոսի 23-ին իսրայելյան պատվիրակությունն այցելեց Մայր Աթոռ Սբ. Էջմիածին և հանդիպում ունեցավ Ամենայն Հայոց Կաթողիկոս Գարեգին Բ-ի հետ, այնուհետև պատվիրակության անդամներն այցելեցին Հայոց աեղասպանության զոհերի հուշարձան և թանգարան։