«Վրաստանն ընդհանրապես դեմ չէ Առևտրի համաշխարհային կազմակերպությանը Ռուսաստանի անդամակցությանը»,- այդ մասին Վրաստանի էկոնոմիկայի նախարար Վեռա Կոբալիան հայտնել է ֆրանսիական հրատարակությանը տված հարցազրույցում:

Նրա խոսքով, «Ռուսաստանի անդամակցությունը ԱՀԿ-ին անգամ օգտակար է Վրաստանի համար»: Այս խոսքի տակ Վեռա Կոբալիան նկատի ուներ երկրների միջև առկա վիճելի խնդիրների լուծումը, հաղորդում է Business Գրուզիա-ն: «Սակայն, ինչպես ալյանսի ցանկացած այլ անդամ երկիր, Ռուսաստանը պարտավոր է պաշտպանել ալյանսի շահերն ու պահպանել կազմակերպության կանոնադրությունը: Այսինքն, վրացա-ռուսական սահմանին պետք է սահմանային հսկողություն հաստատվի»,- ընդգծել է Կոբալիան: