«Աղբ եթերից» առաջին մրցանակը կհանձնվի երկուշաբթի
Երկու օրից հայտնի կդառնա «Չենք լռելու»-ի հայտարարած «Աղբ եթերից» մրցանակաբաշխությունների շարքի առաջին հաղթողը: Նախաձեռնության տարածած հաղորդագրության մեջ նշվում է, որ իրենց ֆեյսբուքյան էջում երեկվանից սկսվել է քվեարկությունը:
«Աղբ եթերից»-ի շրջանակներում ամսական 2 անգամ «Չենք լելու»-ն արժանին կմատուցի հայրենի հեռուստաեթերի` գիտակից հասարակության կողմից առավել մերժված հաղորդումներից, ֆիլմերից կամ սերիալներից մեկին: Բոլոր մրցանակակիրներին փոստով կուղարկվեն «Եթերային աղբի հավաստագրեր», իսկ հեռուստաընկերություններին, որոնց եթերում տեղ են զբաղեցնում հաղթողները, յուրաքանչյուր մրցանակակրի համար կտրամադրվի 100 դրամ` աղբահանության գումար:
