2011-ի սեպտեմբերի 15-ից մինչև հոկտեմբերի 14-ը «Առէկսիմբանկ – Գազպրոմբանկի խումբ» ՓԲԸ-ն Հայաստանի անկախության 20-րդ տարելիցի կապակցությամբ իր հաճախորդներին առաջարկում է նոր «Գազպրոմբանկ-Տոնական» ավանդատեսակը: Ավանդներն ընդունվում են ՀՀ դրամով, ավանդի նվազագույն չափը կազմում է 50 000 ՀՀ դրամ`13% տարեկան տոկոսադրույքով, 366 օր ժամկետով և տոկոսների ամենամսյա վճարմամբ: Ավանդատուների ցանկությամբ բանկը կարող է տրամադրել Maestro տեսակի միջազգային վճարային քարտեր` առանց սպասարկման վճարի և չնվազող մնացորդի, ինչպես նաև վարկային գիծ (միևնույն արժույթի գումարի 90%-ի չափով, ներդրված ավանդի +3,0% տոկոսադրույքով):

«Առէկսիմբանկ – Գազպրոմբանկի խումբ» ՓԲԸ-ն Հայաստանի ֆինանսական շուկայում գործում է 1998 թվականից և հանդիսանում է ռուսաստանյան «Գազպրոմբանկի» դուստր ձեռնարկությունը: 2011 թվականի առաջին կիսամյակի դրությամբ բանկի ժամկետային ավանդների պորտֆելը կազմել է մոտ 16 մլրդ ՀՀ դրամ` տարեսկզբի համեմատությամբ աճելով 22%-ով: Ընդ որում ֆիզիկական անձանց ժամկետային ավանդների ծավալը ավելացել է 19.6%-ով` կազմելով 11.6 մլրդ ՀՀ դրամ: Ֆիզիկական անձանց ավանդների բեռը ժամկետային ավանդների կառուցվածքում կազմում է 72.7 %, հաղորդում է բանկի մամլո ծառայությունը: