Իսրայելի նախագահ Շիմոն Պերեսը ժխտում է Թուրքիայի հետ առճակատման առկայությունն ու պատճառները: «Դա հոգեբանական ու գաղափարական ճգնաժամ է, սակայն, ես չեմ կարծում, որ այն լուծվող չէ: Առճակատում Իսրայելի ու Թուրքիայի միջև չկա, պատճառներ՝ նույնպես»,-ասել է նա Յալթայում ընթացող «Ուկրաինան և աշխարհը. ընդհանուր մարտահրավերներ, ընդհանուր ապագա» ամենամյա հանդիպման ժամանակ: Ըստ նրա, հարկավոր է, որ զգացմունքները մի փոքր հանդարտվեն, ինչը թույլ կտա «շատ հանգիստ» դուրս գալ այդ ճգնաժամից:

Պերեսը նշել է, որ Իսրայելը տարածաշրջանային առաջնորդ դառնալու հավակնություններ չունի, այն դեպքում, երբ Թուրքիան հարուստ պատմություն ունի և ինքը հարգում է այդ տարբերությունները, ինչը չի խանգարի ճգնաժամի լուծմանը, հայտնում է UB-ը: