Սեպտեմբերի 29-ին Հայ ազգային կոնգրեսի (ՀԱԿ) համակարգող Լևոն Զուրաբյանը հանդիպել է Հայաստանում Մեծ Բրիտանիայի դեսպան Չարլզ Լոնսդեյլի և Բրիտանիայի արտաքին գերատեսչության Արևելյան Եվրոպայի և Կենտրոնական Ասիայի վարչության պաշտոնյա Ալան Փարֆիթի հետ: Ինչպես հաղորդում է ՀԱԿ-ի մամլո ծառայությունը, հանդիպման ընթացքում քննարկվել է Հայաստանում ստեղծված ներքաղաքական իրավիճակը, մասնավորապես իշխանությունների և ընդդիմության միջև երկխոսության տապալման պատճառները, սեպտեմբերի 30-ին կայանալիք հանրահավաքը, ընդդիմության անելիքները:

Բացի այդ, կողմերը քննարկել են Հայաստանում արդար և ազատ ընտրությունների անցկացման հնարավորությունները և այդ կապակցությամբ` արտահերթ նախագահական և խոհրդարանական ընտրություններ անցկացնելու ընդդիմության պահանջը: