ԱՄՆ պաշտպանության նախարար Լեոն Պանետտան մտահոգություն է հայտնել Իսրայելի «աճող մեկուսացման» առնչությամբ և կոչ է արել երկրի իշխանություններին դիվանագիտական հարաբերություններ հաստատել տարածաշրջանում նախկին գործընկերների հետ: Այդ մասին Պանետտան լրագրողներն է հայտնել կիրակի օրը, հոկտեմբերի 2-ին՝ երբ մարտական ինքնաթիռով մեկնում էր Իսրայել, հայտնում են ռուսական ԶԼՄ-ները:
Ըստ Պանետտայի, Իսրայելի մեկուսակցման պատճառը «արաբական գարունն է»: «Հաշվի առնելով տարածաշրջանում կատարված փոփոխությունները, անցանկալի է, որ Իսրայելն ավելի մեկուսանա: Հենց դա էլ այժմ կատարվում է»,-հայտարարել է Լեոն Պանետտան
Ըստ Պանետտայի, դիվանագիտական ոլորտում առկա թուլությունը չի կարող փոխհատուցվել ռազմական գերազանցությամբ: Ահա թե ինչու Իսրայելը պետք է վերականգնի բարեկամական հարաբերություններն Եգիպտոսի, Թուրքիայի ու այլ երկրների հետ, որոնց հետ համագործակցությունն անցյալում արդյունավետ է լինում, հայտարարել է Պանետտան՝ ասելով, որ Վաշինգտոնը պատրաստ է աջակցել դրանում:
Պենտագոնի ղեկավարը կայցելի Իսրայել Մերձավոր Արևելքի երկրներում իր շրջագայության շրջանակներում: Ավելի ուշ Պենտագոնի ղեկավարը կմեկնի Եգիպտոս:
Նախօրեին, Իսրայելի իշխանություններն ընդունեցին «քառյակի» Պաղեստինի հետ խաղաղ բանակցություններ անցկացնելու առաջարկն, ասվում է Նեթանյահուի գրասենյակի պաշտոնական հայտարարության մեջ:
Նախորդ ուրբաթ Պաղեստինը պաշտոնապես լիարժեք անդամակցության հայտ ներկայացրեց ՄԱԿ՝ Իսրայելի հետ արդեն մեկ տարի փակուղում գտնվող բանակցությունների ֆոնի վրա:
