WikiLeaks-ի հիմնադիր Ջուլիան Ասանժը պատմել է լատինամերիկյան լրատվամիջոցներին, որ իր կազմակերպությունը ֆինանսական ճգնաժամի մեջ չէ՝ չնայած ԱՄՆ-ի կողմից կիրառված պատժամիջոցներին։ Այս մասին գրում է AFP -ին։

«Անցած 11 ամիսների ընթացքում մենք ունեցել ենք բավական ֆինանսական միջոցներ գոյատևելու համար և քիչ կազմակերպություններ կան, որոնք որ ֆինանսապես մեզ պես կայուն են»,-ասել է նա

Ջուլիան Ասանժն իր երկարատև (50 րոպե) ելույթում նշել է նաև, որ WikiLeaks-ը հեռու է ֆինանսական Արմագեդոնից, քանի որ նրանք ունեն հազարավոր չհրապարակված փաստաթղթեր և կնքել են պայմանագրեր ավելի քան 50 լրատվամիջոցների հետ ամբողջ աշխարհում։