ԱՄՆ պետքարտուղար Հիլարի Քլինթոնը դատապարտել է քուրդ գրոհայինների գործողությունները, որոնք 25 թուրք զինծառայող են սպանել: «ԱՄՆ-ն կսատարի Թուրքիայի իշխանություններին ծայրահեղականության դեմ պայքարում»,-ասել է Քլինթոնը: Նա նաև ցավակցություն է հայտնել զոհված թուրք զինծառայողների ընտանիքներին, հայտնում է Պետդեպարտամենտի մամլո ծառայությունը:
Հոկտեմբերի 19-ի առավոտյան ՔԱԿ գրոհայինները կրակ են բացել Հաքքյարի գավառի Չուկուրջա ռազմական հենակետում, որը գտնվում է Իրաքի հետ սահմանում:
Այլ ԶԼՄ-ների տվյալներով, գրոհի են ենթարկվել միանգամից մի քանի օբյեկտներ: Նախօրեին քրդերը ռումբ են պայթեցրել Թուրքիայի հարավ-արևելքում՝ զոհվել է վեց մարդ, այդ թվում չորս ոստիկան ու մեկ երեխա:
Հոկտեմբերի սկզբին Թուրքիայում ձերբակալվեց 120 քուրդ: Օգոստոսին Թուրքիան հարվածներ հասցրեց քրդերի բազային Իրաքում: Քուրդ գրոհայինների ու թուրք իշխանությունների հակամարտությունը սրվեց վերջին ամիսներին: Քրդերի հարձակումների արդյունքում 50 մարդ զոհվեց:
