Վաշինգտոնրը ճիշտ չի համարում Մոսկվային իրավաբանական երաշխիքներ տալը առ այն, որ այդ համակարգը ուղղված չէ իր դեմ, քանի որ հարցը «վերաբերվում է ՆԱՏՕ-ի անդամ երկրներին», բայց պատրաստ է տալ քաղաքական երաշխիքներ: Այդ մասին հայտարեց ԱՄՆ պետքարտուղարի տեղակալ Վենդի Շերմանը: «Ես ուղղակի կարծում եմ, որ նման իրավիճակում դա կլինի սխալ քայլ: Խոսքը գնում է ՆԱՏՕ-ի պաշտպանության մասին, և վերաբերվում է ՆԱՏՕ-ի անդամ երկրներին» , հայտարարեց նա: Շերմանի խոսքով, ԱՄՆ պատրաստ է տալ քաղաքական երաշխիքներ, բայց չի կարող «տալ իրավաբանորեն պարտավորեցնող երաշխիքներ»: Միևնույն ժամանակ նա ավելացրեց, որ Վաշինգտոնը հրավիրել է «ՌԴ ներկայացուցիչներին դիտելու ՀՀՊ փորձարկումները և բերել սանկացած սարքավորումներ», հաղորդում է ՌԻԱ Նովոստին:
Ռուսական կողմի համար սկզբունքային է, որ եվրոպական ՀՀՊ երաշխիքները առ այն, որ այդ համակարգը ուղղված չէ Ռուսաստանի դեմ, արձանագրվեն թղթի վրա՝ իրավաբանորեն պարտավորեցնող ձևով, այլ ոչ թե դա արվի բառացի: Ռուսաստանի ԱԳՆ ղեկավար Սերգեյ Լավրովը հայտարարեց, որ ԱՄՆ չի բացառում ՀՀՊ տարրերի տեղակայումը Սև, Բարենցի, Հյուսիսային և Բալթիկ ծովերում, բայց չի տալիս երաշխիքներ, որ ՀՀՊ համակարգը ուղղված չէ Ռուսաստանի դեմ:
ԱՄՆ հոկտեմբերին առաջարկեց Ռուսաստանին օգտագործել իր սեփական ռադարները Ամերիկյան հակահռթիրային պաշտպանության տարրերի փորձարկումների արդյունքները գնահատելու համար և ավելացրեց, որ Եվրոպայում ստեղծված ՀՀՊ համակարգը իրենց չի սպառնում: Սակայն Մոսկվայում հայրատարել են, որ դիտորդներ գործուղելու ԱՄՆ հրավերը չի բացառում իրավաբանական երաշխիքների անհրաժեշտությունը:
Ռւսաստանը և ՆԱՏՕ-ն համաձայնվել են 2010 թ-ի նոյեմբերին Լիսաբոնում կայանալիք գագաթաժողովում համագործակցել Եվրոպական ՀՀՊ նախագծի շրջանակներում, սակայն բանակցությունները մտել են փակուղի, քանի որ ԱՄՆ հրաժարվում է իրավաբանական երաշխիքներ տալ, որ ՀՀՊ համակարգը ուղղված չի ռուսական ուժերի դեմ, որը հանդիսանում է Եվրոպական ՀՀՊ նախագծի իրականացման «հիմքը»:
