Կահիրեի կենտրոնում անվտանգության ուժերի և ցուցարարների միջև բախումների արդյունքում տասը մարդ է զոհվել: Ինչպես հաղորդում է ԻՏԱՐ-ՏԱՍՍ-ը, այս ճշտված տվյալներն այսօր ներկայացրել է Եգիպտոսի առողջապահության և ժողովրդաբնակչության նախարարությունը:
Անկարգությունները սկսվել էին նոյեմբերի 20-ի գիշերը, երբ ոստիկանությունը, այնուհետև բանակը փորձել էին ճնշել բողոքարարներին մայրաքաղաքի Թահրիր կենտրոնական հրապարակում: Սակայն բոլոր այդ փորձերը պսակվեցին անհաջողությամբ, և հազարավոր ցուցարարներ դարձյալ վերադարձել են հրապարակ, ժամ առ ժամ նրանց թիվն ավելանում է:
Զոհվածներն ու վիրավորները նախօրեին նաև գտնվում էին հարևան փողոցում` ԵԱՀ ներքին գործերի նախարարության շենքի մոտ, որտեղ դեռ երեկոյան բողոքարարների ալիք էր եկել: Ականատեսների վկայությամբ` գերատեսչությունը հսկող պահակները մարտական փամփուշտներով կրակ էին բացում բոլորի վրա, ովքեր փորձում էին մոտենալ:
Թահրիրում այժմ հարաբերական հանգստություն է: ՆԳՆ մոտ բախումները մինչև հիմա շարունակվում են:
Ընդհանուր առմամբ ներկա պահին պաշտոնապես հաստատված է 11 մարդկանց մահը: Կիրակի օրվա գիշերը Ալեքսանդրիայում անվտանգության ուժերի կենտրոնակայանի մոտ ոստիկանության հետ բախումների արդյունքում մեկ ցուցարար է գնդակոծվել:
