Լեգենդար պորտուգալացի ֆուտբոլիստ Էուսեբիոն կարծում է, որ Արգենտինայի հավաքականի ավագ Լեոնել Մեսսին արժանի է 2011 թվականի «Ոսկե գնդակին»:
Մեսսին կարող է պատմության մեջ դառնալ առաջին ֆուտբոլիստը, ով երեք տարի շարունակ ստացել է աշխարհի լավագույն խաղացողի կոչումը: «Բարսելոնայի»՛ հարձակվողը մրցակիցներից առաջ է անցել 2009 և 2010 թվականների արդյունքներով: Էուսեբիոն կարծում է, որ արգենտինացու խաղը իրեն հերթական վերելքի իրավունք է տալիս:
Էուսեբիոն կարծում է, որ 24-ամյա Մեսսին առաջիկայում «Սանթոսից» 19-ամյա Նեյմարի տեսքով նոր մրցակից կունենա: Բրազիլացին հիմա արդեն իր տեղն ունի 23 հավակնորդների ցուցակում:
Ազգային հավաքականների գլխավոր մարզիչները և ավագները, ինչպես նաև France Football պարբերականի կողմից ընտրված միջազգային լրատվության ներկայացուցիչները կորոշեն թեկնածուների եզրափակիչ եռյակները: Հաղթողը հայտնի կդառնա 2012-ի հունվարի 12-ին Ցյուրիխում:
