Հայաստանի հակամենաշնորհային մարմնի ղեկավարը դեկտեմբերի 12-ին կմեկնի Արցախ
Տնտեսական մրցակցության պաշտպանության պետական հանձնաժողովի (ՏՄՊՊՀ) նախագահ Արտակ Շաբոյանը դեկտեմբերի 12-ին աշխատանքային այցով կմեկնի Արցախի Հանրապետություն:
Ինչպես նշվում է ՏՄՊՊՀ մամլո ծառայության հաղորդագրության մեջ, այցի ընթացքում նախատեսվում են հանդիպումներ ԼՂՀ նախագահ Բակո Սահակյանի, ԼՂՀ վարչապետ Արայիկ Հարությունյանի և ԼՂՀ հանրային ծառայությունները և տնտեսական մրցակցությունը կարգավորող հանձնաժողովի նախագահի և աշխատակազմի հետ:
Դեռևս նախորդ տարի կնքված համագործակցության հուշագրի համաձայն, կողմերը համագործակցում են ՀՀ-ում և ԼՂՀ-ում մրցակցային միջավայրի բարելավմանն ուղղված քայլերի իրականացման շուրջ:
ՏՄՊՊՀ պատվիրակության կազմում են նաև Հանձնաժողովի անդամ Սլավա Պետրոսյանը և աշխատակազմի ղեկավար Տիգրան Խեչոյանը:
