Տարածաշրջանային անվտանգությանն առնչվող հարցեր են այսօր Երեւանում քննարկել Հայաստանի նախագահին առընթեր Անվտանգության խորհրդի քարտուղար, պաշտպանության նախարար Սերժ Սարգսյանը եւ ՀՀ-ում Սիրիայի գործերի ժամանակավոր հավատարմատար Ղասսան Ռասլանը: Նույն թեման շոշափվել է նաեւ Սերժ Սարգսյանի եւ Հայաստանում Լեհաստանի նոր դեսպան Վիկտոր Ռոսսի զրույցում: Ինչպես հաղորդել են ՀՀ պաշտպանության նախարարության մամուլի ծառայությունից, կողմերը քննարկել են նաեւ հայ-լեհական ռազմական համագործակցությանը եւ ղարաբաղյան հիմնախնդրի խաղաղ կարգավորմանն առնչվող հարցերը: