Իրանական հեռուստատեսությամբ ցուցադրվել է իրանական ծագումով ամերիկացու խոստովանությունը. նա հայտնել է, որ ԿՀՎ գործակալ էր, որին հանձնարարվել էր թափանցել Իրանի հատուկ ծառայություններ, հաղորդում է BBC-ն:
Ամիր Միրզայի Հեքմաթին 2001 թվականից ծառայել է ԱՄՆ բանակում, որտեղ հատուկ պատրաստություն է անցել նախքան Իրան ուղարկվելը: Նկարագրելով Իրանի հատուկ ծառայություններ թափանցելու իր առաքելությունը` Հեքմաթին խոսում էր պարսկերեն և անգլերեն:
«Ամերիկյան լրտեսին» բռնելու մասին իրանական իշխանություններն առաջին անգամ հայտարարեցին շաբաթ օրը, սակայն ամերիկյան պաշտոնական անձինք այդ հայտարարությունն անվանեցին «քարոզչություն»:
Իրանական իշխանությունները բազմիցս մեղադրել են ԱՄՆ-ին Իրանի դեմ գաղտնի հատուկ օպերացիաների իրականացման մեջ:
Անցյալ շաբաթ Իրանը հօգուտ ԱՄՆ-ի և Իսրայելի լրտեսության մեղադրանք ներկայացրեց 15 մարդկանց: Մայիսին Թեհրանը հայտարարեց ԿՀՎ 30 գործակալների բերման ենթարկելու մասին, որոնք, իբր, լրտեսական գործունեությամբ և սաբոտաժով էին զբաղվում:
