«Ֆոբոս-գրունտ» ավտոմատ միջմոլորակային կայանի (ԱՄԿ) բեկորները կարող են այսօր Երկիր ընկնել Չինաստանում՝ Գոբի անապատի շրջանում, հաղորդել են ռուսական հրթիռատիեզերական մասնաճյուղում (Ռոսկոսմոս): Ընդ որում, նշվում է, որ տվյալները մշտապես ճշտվում են, հաղորդում է ԻՏԱՐ-ՏԱՍՍ-ը:
Ավելի վաղ Ռոսկոսմոսը որպես անկման հնարավոր վայրեր նշել էր շրջաններ Հնդկական, Ատլանտիկ և Խաղաղ օվկիանոսներում: ԱՄԿ անկման շրջանի փոփոխությունը կապված է նրա անկման արագության ավելացման հետ՝ ըստ ուղեծրի բարձրության նվազման:
Երկրի մակերևույթին կարող են հասնել ԱՄԿ մնացորդները դժվարահալ մետաղներից՝ 20-30 կտոր և ոչ ավել, քան 200կգ ընդհանուր քաշով:
Դեռևս հունվարի սկզբին Պաշտպանության նախարարության ներկայացուցիչներն ասում էին, որ «Ֆոբոս-գրունտը» պետք է ընկնի հունվարի 15-ին, սակայն չէին նշում անկման վայրը:
