Մարտի 27-ին սկսվելու են Հայաստանի պետական ֆիլհարմոնիկ նվագախմբի 2012 թվականի հյուրախաղերը: Այդ մասին լրագրողների հետ զրույցում ասաց նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը: Այդ օրը նվագախումբը հանդես է գալու Դուբայում, Հայաստանի պետական ակադեմիական երգչախմբի հետ, գեղարվեստական ղեկավար Հովհաննես Չեքիջյանի մասնակցությամբ: Մայիսին նվագախումը հայտնի ջութակահար Վադիմ Ռեպինի հետ մեկ կարևոր համերգ կտա Վոլգոգրադում:

Արդեն աշնան ամիսներին նվագախումբը համերգներ կունենա Եվրոպայում: Նոյեմբերի 12-ին հավանաբար ելույթ կունենա Գերմանիայում, այնուհետև Ավստրիայում, Իտալիայում և Իսպանիայում:

Թոփչյանը չբացառեց նաև շրջագայությունը ասիական երկրներում (Ճապոնիա, Հարավային Կորեա, Չինաստան):