Հայ-իրանական հարաբերությունները համապատասխանում են երկու ժողովուրդների շահերին: Այդ մասին, ինչպես տեղեկացնում է «ԻՏԱՌ-ՏԱՍՍ» գործակալությունը, հայտարարել է Իրանի նախագահ Մոհամմադ Խաթամին` Հայաստանի էներգետիկայի նախարար Արմեն Մովսիսյանի հետ նախորդ օրը կայացած հանդիպման ընթացքում: Մ. Խաթամին նշել է, որ տարածաշրջանի կայունությունը եւ խաղաղությունը խիստ կարեւոր են բոլոր պետությունների համար: Միեւնույն ժամանակ, Մ.Հաթամին հույս է հայտնել, որ Հայաստանի եւ Ադրբեջանի միջեւ խնդիրները կլուծվեն բարի կամքի եւ փոխըմբռնման հիման վրա: «Թեհրանը եւ Երեւանը հանդես են գալիս տարածաշրջանում օտարերկրյա ռազմական ուժի առկայության դեմ, քանի որ դա ապակայունացնում է տարածաշրջանի իրավիճակը»,- ավելացրել է Իրանի նախագահը: