Շվեդիայի խորհրդարանի պատգամավորների խումբը Նոբելյան խաղաղության կոմիտե է դիմել հայտնի թուրք իրավապաշտպան, «Բելգե» հրատարակչության սեփականատեր Ռագըփ Զարաքօղլուին Նոբելյան մրցանակի առաջադրելու առաջարկով:
Ինչպես հաղորդում են արտասահմանյան լրատվամիջոցները, շվեդական պատգամավորների դիմումում ասվում է, որ Ռագըփ Զարաքօղլուն Հայոց ցեղասպանության և քրդական հիմնահարցի վերաբերյալ նյութեր է հրապարակել:
«Թուրքիայում 1980թ. սեպտեմբերի 12-ի ռազմական հեղաշրջումից հետո Զարաքօղլուն մտավ Մարդու իրավունքների միություն և շարունակեց պայքարել հանուն ժողովրդավարության ու մարդու իրավունքների, ինչի համար էլ պետության թիրախը դարձավ և 2011թ. նոյեմբերի 1-ին ձերբակալվեց ահաբեկչական կազմակերպության անդամակցելու մեղադրանքով»,- նշվում է դիմումում:
Զարաքօղլուն, որը Քուրդիստանի ընկերությունների միության գործի շրջանակում հսկողության տակ է գտնվում, իր փաստաբանի միջոցով Թուրքիայի խորհրդարանի ղեկավարությանը նամակ է հղել` Հայոց ցեղասպանությունը ճանաչելու կոչով: