Փետրվարի 23-ին Հայաստանի հավաքականի հարձակվող Յուրա Մովսիսյանը հեռացել է «Կրասնոդարի» Թուրքիայում ընթացող ուսումնամարզական հավաքից և մեկնել ԱՄՆ:
Հավաքից շուտափույթ հեռանալու պատճառը հարգելի է՝ նրա ընտանիքում համալրում է սպասվում, ծնվելու է նրա երկրորդ երեխան և մարզչական շտաբը թույլ է տվել Մովսիսյանին բացակայել, հայտնում է ակումբի պաշտոնական կայքը:
Փետրվարի վերջում Մովսիսյանը խաղալու է Հայաստանի հավաքականի կազմում Սերբիայի ու Կանադայի հավաքականների հետ ընկերական խաղերում, իսկ ակումբի մարզումներին ֆուտբոլիստը կմիանա մարտի 2-ին:
Ընթացիկ շրջանում Յուրա Մովսիսյանը մասնակցել է «Կրասնոդարի» 7 ստուգողական խաղերին, ընդհանուր առմամբ դաշտում անցկացնելով 365 րոպե, խփել է 6 գնդակ և երկու գոլային փոխանցում կատարել: