Ամռանը Իրանի շուրջ կարող է երրորդ համաշխարհային պատերազմ ծավալվել: Այդ մասին հայտնել է ՌԼԴԿ ղեկավար Վլադիմիր Ժիրինովսկին` ելույթ ունենալով այսօր Մոսկվայում կայացած հանրահավաքի ժամանակի: Նրա խոսքով, հենց որ Սիրիային կոտրեն, ամռանը հարված կհասցնեն Իրանին:
Ինչպես նշել է Ժիրինովսկին, դրանից կօգտվի Ադրբեջանը, որպեսզի կրկին զավթի Լեռնային Ղարաբաղը:
«Հայաստանը դեմ կկանգնի, Թուրքիան` Ադրբեջանի կողմից: Ահա այդպես 2012թ. ամռանը մեր երկրին կարող են պատերազմի մեջ ներքաշել»,- հայտնել է Ժիրինովսկին:
Ռուսաստանին հարկավոր կլինի պաշտպանել հարավային սահմանը, գտնում է ՌԼԴԿ առաջնորդը, ուստի Ռուսաստանի նախագահի երդմնակալության արարողությունը պետք է անցկացնել ոչ թե մայիսին, այլ ապրիլին, որովհետև զինված հակամարտությունը կարող է հենց այդ ժամանակ սկսվել, հաղորդում են ռուսական լրատվամիջոցները:
