Նյոնում մարտի 16-ին ՈՒԵՖԱ-ի կենտրոնակայանում կայացել է ՈՒԵՖԱ-ի Չեմպիոնների լիգայի քառորդ եզրափակչի վիճակահանությունը:
Չեմպիոնների լիգայի գործող չեմպիոն «Բարսելոնան» քառորդ եզրափակչում կհանդիպի «Միլանի», «Ռեալը»՝ ԱՊՈԵԼ-ի, «Օլիմպիկը»՝ Բավարիայի, «Բենֆիկան»՝ «Չելսիի» հետ:
Վիճակահանությունն անցկացրել են ՈՒԵՖԱ գլխավոր քարտուղար Ջանի Ինֆանտինոն և մյունխենյան եզրափակչի դեսպան Պաուլ Բրայտները:
Երկխաղանի մրցավեճերի առաջին հանդիպումները կկայանան մարտի 27-ին և 28-ին, պատասխան հանդիպումները՝ ապրիլի 3-ին և 4-ին: Առաջին կիսաեզրափակիչ խաղերը կկայանան քառորդ եզրափակիչներից երկու շաբաթ անց՝ ապրիլի17-ին և 18-ին, պատասխան խաղերը՝ ապրիլի 24-ին և 25-ին: Եզրափակիչը կկայանա Մյունխենում մայիսի 19-ին: