Ապրիլի 22-ին՝ Հայոց ցեղասպանության 97-ամյա տարելիցից երկու օր առաջ, Լոս Անջելեսի «Համեր» թանգարանում անվանի ռոք երաժիշտ Սերժ Թանկյանը և կանադահայ ռեժիսոր Ատոմ Էգոյանը կմասնակցեն Հայոց ցեղասպանության հետևանքների քննարկմանը, հաղորդում է Asbarez-ը:

Քննարկումից հետո կկայանա Ցեղասպանության մասին պատմող «Արարատ» և «Screamers» (Ճչացողները) ֆիլմերի ցուցադրությունը: Վերջինը պատմում է Թուրքիայի ժխտման քաղաքականության, ցեղասպանությունների կրկնության մասին, ինչպես նաև ներառում է հարցազրույց Թուրքիայից, Ռուանդայից և Դարֆուրից փրկվածների հետ: «Screamers» ֆիլմում հայտնվելուց հետո սպանվել էր հայ-թուրքական «Ակոս» թերթի խմբագիր Հրանտ Դինքը: